విశాఖపట్నం: పద్మనాభం (Padmanabham) గోస్తనీ నది (Gostani River) వంతెన నుండి శేరీఖండం పంచాయితీ వరకూ సుమారు రెండు కిలో మీటర్లు ప్రధాన రహదారి మరమ్మత్తులు చేయించాలని బీజేపీ పద్మనాభం మండల యువమోర్చ అధ్యక్షులు హంస మహేష్ జిల్లా కలెక్టరుకు వినతిపత్రం అందజేశారు. ప్రస్తుతం వర్షాకాలం కావడం వలన రోడ్డుపై ఉన్న గుంతలలో వర్షం నీరు చేరి వాహన దారులకు గుంతలు కనిపించక చాలా ప్రమాదాలు జరుగుతున్నాయి. పద్మనాభం మండల హెడ్ క్వార్టర్స్ కావడం వలన సుమారు రోజుకు 51 గ్రామాలనుండి ప్రజలు ఈ రహదారి మీదిగా వస్తూ ఉంటారు. దీనితో పాటుగా సింహాచలం నుండి విజయనగం, తగరపువలస, విశాఖపట్నం వెళ్లుటకు ఈ రహదారి ఉపయోగంలో ఉంది. ఇలా నిరంతరం రద్దీగా ఉండే ఈ రహదారి మరమ్మత్తులు లేక ఇబ్బంది కలుగుతుంది. పోలీస్ స్టేషన్ దగ్గరలో ఉన్నటువంటి కాలువ వంతెన పూడిక తీయకపోవటం వలన వర్షపు నీరు ఈ ప్రధాన రహదారిమీదిగా ప్రవహిస్తుందని వినతిపత్రంలో పేర్కొన్నారు.
/Web Stories/
